گونئي آزهربايجان`ين سيمگهيه ائحتيياجي يوخدور
مئهران باهارلي
سايين بابهك آزهري`نين يازيسيني اوخودوم.
١-يازيدا بير نئچه قوروبون اؤنهردييي قيرميزي بايراق-سيمگهيه قارشي چيخانلارين اوست اؤرتولو اولسا دا ايططيلاعاتا باغلانماسي، سون درهجه اويقونسوز، سيياسي اخلاقا سيغمايان و آنتي دئموكراتيك بير باخيشدير. بو باخيش فرقلي سسلهري سوسدورماق و موخاليف گؤروشلهري سينديرمهيه يؤنهليكدير و كسينليكله ان يوكسهك سسله پيروتئست ائديلمهليدير. من ده بير يول داها سايين بابهك آزهري`نين بو داورانيشيني قيناييرام.
٢-گونئي آزهربايجان`ين سيمگهيه ائحتيياجي يوخدور. سيمگه حاكيم اولان و دئولهتلهري بولونان ميللهتلهرين دئموكراسي موباريزهسي اوچون گرهكليدير (فارسلارين ياشيل حرهكهتي، اوكراينا، گورجوستان، قيرقيزيستان، .... كيمي). بيز ايسه محكوم و دئولهتسيز بير ميللهتيك و موباريزهميز ميللي قورتولوش موجاديلهسيدير. بيزه گرهكهن سيمگه دئييل، شو آنكي ميللهتلهشمه- گلهجهكدهكي دئولهتلهشمهميزي تمثيل ائدهجهك ميللي بايراقدير.
٣-آزهربايجان رئسپوبليكاسينين بايراغي گونئي آزهربايجان`ين بايراغي دئييلدير و اولماياجاقدير. بونون ندهن بئله اولدوغونو باشا دوشمهك اوچون، كوسووا`نين ميللي بايراغينين ندهن آرناووتلوغون ميللي بايراغي اولماديغي، بونا ندهن ايذين وئريلمهدييي ايييجه اينجهلهنمهليدير.
٤-قيرميزي بايراق-سيمگهني اؤنهرهنلهر، گونئي آزهربايجان`ين اؤز ميللي بايراغينا قاووشماسينين يولونو- اؤنونه گئچيجي بير سيمگه آتاراق- تيخاماق ايستهييرلهر. بو اومودلا كي گونئي آزهربايجان باغيمسيز اولاندا، بو گئچيجي قيرميزي سيمگه يئرينه آزهربايجان رئسپوبليكاسينين بايراغي گونئيه ده گلهجهكدير. آنجاق بو تاكتيك، آماجينا اولاشاماياجاقدير. گونئي آزهربايجان ان كيچيك بير قوشقو اولمادان اؤز ميللي بايراغينا، اؤز ميللي موجاديلهسي سورهجينده قاووشاجاقدير.
٥-گونئي آزهربايجاندا تورك خالقينين ميللي حاقلاري اوغروندا گئدهن موباريزهيه هر هانسي بير سيمگه گرهكيرسه ده- كي منجه گرهكمير- بو سيمگه، اوچ گؤي، قيرميزي و ياشيل رنگلهر اولماليدير. چونكو بو رنگلهر آزهربايجان`ين دئولهتلهشمه سمبوللاريدير.
٦-محمره يا دا قيزيل اهيينليلهر، آزهربايجان`ا خاص اولان بير آخيم دئييلدير. اورتا دوغو و ايران`ين هر بؤلگهسينده جرهيان ائدهن و ايسلام`ا قارشي اولان، داها سونرا دا هئتئرودوكس ايسلام مذههبلهريني اولوشدوران بير ديرهنيش حرهكهتي ايدي. بونلارين تورك خالقي و آزهربايجان`ا اؤزگون اولان هئچ بير اؤزهلليكلهري يوخدور.
تورك خالقي ميللهتلهشمهكده و گونئي آزهربايجان دئولهتلهشمهكدهدير. ميللهتلهشهن و دئولهتلهشمهكده اولان بير خالقا رنگلي سيمگه گرهكسيزدير. اونا ميللي بايراق گرهكير. ميللي بايراق ايسه، او ميللهت و او يوردون اؤزهلليكلهريني يانسيتماليدير. بو قيرميزي بايراق بونو كسينليكله ياپاماز.
.
٧-يوخاريداكي نوتومدا يالنيز بو سيمگهنين گرهكسيز اولدوغونا دهيينديم. آنجاق بو سيمگه-بايراغين سونولماسي دا سورونلودور و سيياسي گليشمهميشلييي و دئموكراتيك ايلكهلهري هئچه سايماني گؤستهرير. بو بايراغين قبول ائديليب سونما يؤنتهمي آنتي دئموكراتيكدير. ايستهر ايراندا دئموكراسي اولسون، ايستهر اولماسين. قوروبلار و شخصلهر اينديكي دورومدا، اؤزلهرينين بهيهنديكلهري و منيمسهديكلهري بايراقلاري يالنيز و يالنيز اؤزلهرينين منيمسهديكلهري و بهيهنديكلهري بايراق دييه سونماليديرلار. ميللهت آدينا، تورك ميللي دئموكراتيك حرهكهتي آدينا قرار وئرمه و دانيشمايا كيمسهنين يئتگيسي يوخدور. بهيهنديكلهري و سئچديكلهري بايراقلاري، ميللهت سئچدي دييه سونماق، اولايي اولدو بيتدييه گتيرمهك و اونا قارشي چيخانلاري ايران ايططيلاعاتينين آدامي آدلانديرماق، تيپيك خومئيني-صددام ذئهنييهتيدير.
٨-قالدي كي بئله بير سيمگهني سئچمهك ده تورك خالقي و گونئي آزهربايجان`ين مصلهحهتلهريني تمهلدهن يانليش دوشونمهكدهن و ويزيونسوزلوقدان قايناقلانير. كيمسهنين تورك خالقينين و گونئي آزهربايجان`ين مصلهحهتلهريني تك باشينا بليرلهمه يئتگيسي ده يوخدور. بو ايش، اولسا اولسا مجمع تشخيص مصلحت نظام`ي يانسيلاماق اولار.
پ.س.: سايين بابهك آزهري`نين ايشلهتدييي و آزهربايجان جومهورييهتينده ده قوللانيلان "حرهكات" كلمهسي يانليشدير و دوغروسو "حرهكهت" اولماليدير. "حرهكات" چوخول، "حرهكهت" ايسه تكيلدير. آيريجا توركييه`ده تؤرهديلهن "سيمگه" كلمهسي تورك ديلي و قوراللارينا گؤره يانليش بير تؤرهتمهدير. تورك ديلينده بو آنلامي داشييابيلهجهك "سيم" كؤكو مئوجود دئييلدير.
بابهك آزهري`نين يازيسي:
Milli Azadlıq Hərəkatımızda İranın gizli polisinin bayaraq davasına son qoyulmalıdır!
http://az.azadtribun.net/index.php?option=com_content&view=article&id=133%3Amilli-azadlq-hrkatmzda-rann-gizli-polisinin-bayaraq-davasna-son-qoyulmaldr&catid=1%3Alatest-news&Itemid=56
-----------------------
Güney Azǝrbaycanın simgǝye ehtiyacı yoxdur
.by Mehran Baharli on Saturday, October 2, 2010 at 2:00pm.
sayin babek azerinin yazisini oxudum
1-Yazıda bir neçǝ qurubun önǝrdiyi qırmızı bayraq-simgǝyǝ qarşı çıxanların üstüörtülü olsa da ittiliata bağlanması, son dǝrǝcǝ uyqunsuz, siyasi ǝxlaqa sığmayan vǝ anti demokratik bir baxışdır. Bu baxış fǝrqli sǝslǝri vǝ muxalif görüşlǝri sindirmǝk vǝ susdurmaya yönǝlikdir vǝ kǝsinlikǝ ǝn yüksǝk sǝslǝ protest edilmǝlidir. Mǝn dǝ bir yol daha sayın Babek Azǝrinin bu davranışını qınayıram.
2-Güney Azǝrbaycanın simgǝye ehtiyacı yoxdur. Simgǝ hakim olan ve devlǝtlǝri bulunan millǝtlǝrin demokrasi mubarizesi üçün gǝrǝklidir (Farsların yaşıl hǝrǝkǝti, Ukrayna, Gürcüstan, Qırqızistan, ... kimi). Biz isǝ mǝhkum vǝ devlǝtsiz bir millǝtik vǝ mubarizǝmiz milli qurtuluş mucadilǝsidir. Bizǝ gǝrǝkǝn simgǝ deyil, şu ankı millǝtlǝşmǝ-gǝlǝcǝkdǝki devlǝtlǝşmǝmizi tǝmsil edǝcǝk milli bayraqdır.
3-Azǝrbaycan Respublikasının bayrağı Güney Azǝrbaycanın bayrağı deyildir vǝ olmayacaqdır. Bunun nǝdǝn belǝ olduğunu başa düşmǝk üçün, Kosovanın milli bayrağının nǝdǝn Arnavutluğun bayrağı olmadığı, buna nǝdǝn izin verilmǝdiyi iyicǝ incǝlǝnmǝlidir.
4-Qırmızı bayraq-simgǝni önǝrǝnlǝr, Güney Azǝrbaycanın öz milli bayrağına qavuşmasının yolunu, önünǝ geçici bir simgǝ ataraq, tıxamaq istǝyirlǝr, bu umudla ki Güney Azǝrbaycan bağımsız olanda, bu geçici qırmızı simgǝ yerinǝ Azǝrbaycan Respublikasının bayrağı Güneyǝ dǝ gǝlǝcǝkdir. Ancaq bu taktik, amacına ulaşmayacaqdır. Güney Azǝrbaycan ǝn kiçik bir quşqu olmadan öz milli bayrağına öz milli mucadilǝsi sürǝcindǝ qavuşacaqdır.
5-Güney Azǝrbaycanda Türk xalqının milli haqları uğrunda gedǝn mubarizǝyǝ hǝr hansı bir simgǝ gǝrǝkirsǝ dǝ- ki mǝncǝ gǝrǝkmir- bu simgǝ üç göy, qırmızı vǝ yaşıl rǝnglǝr olmalıdır. Çünkü bu rǝnglǝr Azǝrbaycanın devlǝtlǝşmş sǝmbollarıdır.
Muhǝmmǝrǝ ya da Qızıl Əyinlilǝr Azǝrbaycana xas olan bir axım deyildir. Ortadoğu vǝ İranın hǝr bölgǝsindǝ cǝrǝyan edǝn İslama qarşıi olan, daha sonra heterodoks İslam mǝzhǝblǝrini oluşduran bir dirǝniş hǝrǝkǝti idi
Bunların Türk xalqı vǝ Azǝrbaycana özgün olan heç bir özǝlliklǝri yoxdur.
Türk xalqı millǝtlǝşmǝkdǝ vǝ Güney Azǝrbaycan devlǝtlǝşmǝkdǝdir. Millǝtlǝşǝn vǝ devlǝtlǝşǝnǝ simgǝ gǝrǝksizdir, milli bayraq gǝrǝkir.
Milli bayraq isǝ o millǝt vǝ o yurdun özǝlliklǝrini özündǝ yansıtmalıdır. Bu qırmızı bayraq bunu kǝsinliklǝ yapamaz.
--------------------
Yuxarıdaki notumda yalnız bu simgǝnin gǝrǝksiz olduğuna dǝyindim. Ancaq bu simgǝ-bayrağın sunulması da sorunludur vǝ siyasi gǝlişmǝmişliyi vǝ demokratik ilkǝlǝri heçǝ saymanı göstǝrir.
bu bayrağın qǝbul edilib sunma yöntǝmi anti demokratikdir. İstǝr İranda demokrasi olsun ister olmasın. Qurublar vǝ şǝxslǝr indiki durumda özlǝrinin bǝyǝndiklǝri vǝ mǝnimsǝdiklǝri bayraqları yalnız ve yalnız özlǝrinin mǝnimsǝdiklǝri vǝ bǝyǝndiklǝri bayraq diyǝ sunmalıdırlar. Millǝt adına, Türk milli demokratik hǝrǝkǝti adına qǝrar vermǝ vǝ danışmaya kimsǝnin yetgisi yoxdur.
Bǝyǝndiklǝri vǝ seçdiklǝri bayraqları millǝt seçdi diyǝ sunmaq, olayı oldu bitdiyǝ gǝtirmǝk vǝ ona qarşı çıxanları İran ittilaatının adamı adlandırmaq, tipik Xumeyni-Sǝddam zehniyǝtidir.
Qaldi ki belǝ bir simgǝni seçmǝk dǝ Türk xalqı vǝ Güney Azǝrbaycanın mǝslǝhǝtlǝrini tǝmǝldǝn yanlış düşünmǝkdǝn vǝ vizyonsuzluqdan qaynaqlanır. Kimsǝnin Türk xalqının vǝ Güney Azǝrbaycanın mǝslǝhǝtlǝrini tǝk başına bǝlirlǝmǝ yetgisi dǝ yoxdur. Bu iş, olsa olsa Mǝcmǝe Tǝşxise Mǝslǝhǝti Nezamı yansılamaq olar.
--------------------
ps: Sayın Babǝk Azǝrinin işlǝtdiyi vǝ Azǝrbaycan Cumhuriyǝtindǝ dǝ qullanılan herekat kǝlmǝsi yanlışdır vǝ doğrusu hǝrǝkǝt olmalıdır. Hǝrǝkat çoxul, hǝrǝkǝt isǝ tǝkildir. Ayrıca Türkiyǝdǝ törǝdilǝn simgǝ kǝlmǝsi Türk dili vǝ qurallarına görǝ yanlış bir törǝtmǝdir. Türk dilindǝ bu anlamı daşıyabilǝcǝk sim kökü mevcud deyildir
--------------------------------------------------
Babǝk Azǝrinin yazısı:
Milli Azadlıq Hərəkatımızda İranın gizli polisinin bayaraq davasına son qoyulmalıdır!
http://az.azadtribun.net/index.php?option=com_content&view=article&id=133%3Amilli-azadlq-hrkatmzda-rann-gizli-polisinin-bayaraq-davasna-son-qoyulmaldr&catid=1%3Alatest-news&Itemid=56
0 Comments:
Post a Comment
<< Home