گونئي آزهربايجان، اؤز ميللي بايراغيني گؤزلهمهكدهدير
مئهران باهارلي
سؤزوموز
توركييه و آزهربايجان جومهورييهتي بايراقلاري، اورالاردا ياشايان خالقلارين ميللي موجاديلهلهري و ايچيندهن گئچديكلهري تاريخي سورهجلهرين محصولودور. او بايراقلار، توركييه و آزهربايجان جومهورييهتينين ميللي بايراقلاريدير. بوندان سونرا دا بئله قالاجاقدير. آنجاق توركييه و آزهربايجان جومهورييهتينين ميللي بايراقلاري، گونئي آزهربايجان، ايران`ين گونئيينده قاشقاي يورت يا دا خوراساندا آفشار ائلينين ميللي بايراغي دئييلدير. اولابيلمهز، نه بوگون، نه ده گلهجهكده. چونكو اونلار بيزيم ياشاديغيميز تاريخي سورهجلهرين، بيزيم ميللي موجاديلهميزين، بيزيم قوشوللاريميزين دئييل، باشقا ياشاملارين، باشقا ميللي موجاديلهلهرين، باشقا قوشوللارين سونوجودور. اونلارين يارانماسيندا بيزيم ان كيچيك بير رول و قاتقيميز اولماميشدير. او بايراقلار بيزيم آجي و اؤز وئريميزين اورونو دئييلديرلهر. او بايراقلارين بيزيم ده ميللي بايراغيميز اولابيلمهسي، تاريخي گئرييه چئويريب يئنيدهن و باشقا تورلو يازماقلا، او خالقلارلا بيرليكده ميللي موجاديله ياپماقلا مومكون اولابيلهر. بو دا خهيالدان باشقا بير شئي دئييلدير. گونئي آزهربايجان و ايران`ين باشقا بؤلگهلهرينده ياشايان تورك خالقينين ميللي بايراقلاري، اؤز ديناميكلهري و اؤز ميللي موجاديله و ياشاديقلاري تاريخي سورهجلهرين ايچينده اورتايا چيخابيلهر. بو اوزدهن ده توركييه و آزهربايجان جومهورييهتينين ميللي بايراقلاريني گونئي آزهربايجان`ين ميللي بايراغي دييه قالديرانلار و يا گؤستهرهنلهر، چوخ درين بير يانيلقي ايچيندهديرلهر.
اؤته ياندان گونئي آزهربايجان`ا ميللي بير بايراغين گرهكمهدييي و تورك ميللي حرهكهتينين بئله بير اكسيكلييي اولماديغي گؤروشو ده دوغرو دئييلدير. بيزيم بير چوخ سورون آراسيندا، بايراق سورونوموز، بير چوخ اكسيكليك آراسيندا بايراق اكسيكلييييميز ده واردير. تورك خالقيني فارسلاردان دوشونجه، ائيلهم و سمبوللاردا آيريشديران هر شئي، تورك خالقينين ميللهتلهشمهسينه و سيياسي كيمليك قازانماسينا كؤمهك ائدهر. اؤز گلهجهييني بليرلهمهك اوچون، بو "اؤز"و بليرلهمهك و بركيشديرمهك گرهكير. بورادا ياديرقاناجاق هئچ بير شئي يوخدور. بايراق بوتون دونيادا و بوتون خالقلار آراسيندا عئيني گؤرهوي ياپان ان اييي آراجلاردان بيريدير. بايراق آيريشديران سمبوللارين ان گوجلوسودور. بايراقسيز بير ميللهتلهشمه و اؤز گلهجهييني بليرلهمه حرهكهتي دوشونولهمهز و يوخدور دا. ايران و گونئي آزهربايجاندا جرهيان ائدهن چاغداش ميللي حرهكهت ميللهتلهشمه و سيياسيلهشمهدهن عيبارهت اولدوغو اوچون، گونئي آزهربايجان`ين اؤزونه خاص بير بايراق منيمسهمهسي، اولدوقجا يارارلي گيريشيم و گرهكلي بير ائحتيياجدير. اساسهن دونيادا بايراغي اولمايان تك بير ميللي حرهكهت (ميللهتلهشمه + اؤز گلهجهييني بليرلهمه) حرهكهتي يوخدور. بيز ده ايستيثنا دئييليك. بؤلگهميزده جرهيان ائدهن بوتون ميللي حرهكهتلهر فيليسطين، قاراباغ ائرمهنيلهري، ايران، عراق و توركييه كوردلهري، چئچهنلهر، اوسئتين، آبخاز، قوزئي قيبريس توركلهري، چين اويغور و تيبئتليلهري، ... هاميسي ميللي موجاديلهلهري سيراسيندا، ميللي بايراق گرهييني دويموشلاردير. ميللي بايراغي منيمسهمه، اونلارين دئولهتلهشمهسيندهن سونرايا دا خاص اولان بير اولاي دئييلدير. گونئي آزهربايجان و ايران`ين باشقا بؤلگهلهرينده ياشايان تورك خالقي و ميللي موجاديلهسي دونيادا باشقا خالق و ميللي موجاديلهلهر كيميدير و بايراقلانماسي، اونون ميللهتلهشمهسي و ميللي موجاديلهسينين سيياسيلهشمهسينين، اولقونلاشماسينين گرهييدير. گونئي بايراقلانماسينا قارشي چيخماق، بؤيويهن بير اوشاغين بؤيومهسينه قارشي چيخماق كيمي دوغانين ديكته ائتدييي ائوريم و گليشمهيه قارشي چيخماقدير.
بوگون گونئي آزهربايجان حتتا گونئي ايراندا اؤنهريلهن بايراقلار، بو ميللهتلهشمه و "اؤز"ون بيچيملهنمهسي و بو "اؤز"ه بيلينجلهنمهنين سونوجودور. بو بايراقلاري اؤنهره نلهر، هاميسي گونئيدهن و حرهكهتين ايچيندهن چيخميش اينسانلاردير. ائوريمله و سورهج ايچيندهن چيخان بايراق، ايشته بئله اولار. بايراغين اورتايا چيخماسي اوچون باشقا بير ائوريم، باشقا بير سورهجين بكلهنمهسي منطيقلي دئييلدير. سورهج ده، ائوريم ده، شو آندا ايچينده اولدوغوموز سورهج و ائوريمدير. بو سورهجين سونوندا اؤنهريلهن بايراقلاردان بيري، ائوريليب سيوريلهجهك و تثبيت ائديلهجهكدير، بوتون ميللي حرهكهتلهرده اولدوغو كيمي.
البهتته بايراق سورونو ايله ايلگيلي تلهسمهيه گرهك يوخدور. بيز بايراق سورونو و گرهكسينيمينين نئجه و هانسي سورهجده چؤزولهجهييني داها دا و آيرينتيلاري ايله و هر طرهفلي تارتيشماليييق. بو قونودا ايلهري سورولهن دوشونجهلهرين هاميسي، اوزهرينده دورولماسي گرهكهن فيكير و اؤنهريلهردير.
گرچهيه هو!!!
Güney Azәrbaycan öz milli bayrağını gözlәmәkdәdir
Mehran Baharlı
Sözümüz
Türkiyә vә Azәrbaycan Cumhuriyәti bayraqları oralarda yaşayan xalqların milli mucadilәlәri vә içindәn geçdiklәri tarixi sürәclәrin mәhsuludur. O bayraqlar Türkiyә vә Azәrbaycan Cumhuriyәtinin milli bayraqlarıdır. Bundan sonra da belә qalacaqdır. Ancaq Türkiyә vә Azәrbaycan Cumhuriyәtinin milli bayraqları, Güney Azәrbaycan, İran’ın güneyindә Qaşqayyurt ya da Xorasanda Afşareli’nin milli bayrağı deyildir, olabilmәz, nә bugün nә dә gәlәcәkdә. Çünkü onlar bizim yaşadığımız tarixi sürәclәrin, bizim milli mucadilәmizin, bizim qoşullarımızın deyil, başqa yaşamların, başqa milli mucadilәlәrin, başqa qoşulların sonucudur. Onların yaranmasında bizim әn kiçik bir rol vә qatqımız olmamışdır. O bayraqlar bizim acı vә özverimizin ürünü deyildirlәr. O bayraqların bizim dә milli bayrağımız olabilmәsi, tarixi geriyә çevirib yenidәn vә başqa türlü yazmaqla, o xalqlarla birlikdә milli mucadilә yapmaqla mümkün olabilәr. Bu da xәyaldan başqa bir şey deyildir. Güney Azәrbaycan vә İran’ın başqa bölgәlәrindә yaşayan Türk xalqının milli bayraqları öz dinamiklәri vә öz milli mucadilә vә yaşadıqları tarixi sürәclәrin içindә ortaya çıxabilәr. Bu üzdәn dә Türkiyә vә Azәrbaycan Cumhuriyәtinin milli bayraqlarını Güney Azәrbaycanın milli bayrağı diyә qaldıranlar vәya göstәrәnlәr, çox dәrin bir yanılqı içindәdirlәr.
Ötә yandan Güney Azәrbaycan’a milli bir bayrağın gәrәkmәdiyi vә Türk milli hәrәkәtinin belә bir әksikliyi olmadığı görüşü dә doğru deyildir. Bizim bir çox sorun arasında bayraq sorunumuz, bir çox әksiklik arasına bayraq әksikliyimiz dә vardır. Türk xalqını Farslardan düşüncә, eylәm vә sәmbollarda ayrışdıran hәr şey, Türk xalqının millәtlәşmәsinә vә siyasi kimlik qazanmasına kömәk edәr. Öz gәlәcәyini bәlirlәmәk üçün bu Öz’ü bәlirlәmәk vә bәrkişdirmәk gәrәkir. Burada yadırqanacaq heç bir şey yoxdur. Bayraq bütün dünya vә bütün xalqlar arasında eyni görәvi yapan әn iyi araclardan biridir. Bayraq ayrışdıran sәmbolların әn güclüsüdür. Bayraqsız bir millәtlәşmә, öz gәlәcәyini bәlirlәmә hәrәkәti düşünülәmәz vә yoxdur da. İran vә Güney Azәrbaycan’da cәrәyan edәn çağdaş milli hәrәkәt millәtlәşmә vә siyasilәşmәdәn ibarәt olduğu üçün, Güney Azәrbaycan’ın özünә xas bir bayraq mәnimsәmәsi olduqca yararlı girişim vә gәrәkli bir ehtiyacdır .
Əsasәn dünyada bayrağı olmayan tәk bir milli hәrәkәt millәtlәşmә öz gәlәcәyini bәlirlәmә hәrәkәti yoxdur Biz dә istisna deyilik Bözlgәmizdә cәrәyan edәn bütün milli hәrәkәtlәr Filistin Qarabağ Ermәnilәri İran Əraq vә Türkiyә Kürdlәri Çeçәnlәr Osetin Abxaz Quzey Qibris Türklәri Çin Uyqur vә Tibetlilәri hamısı milli mucadilәlәri sırasında milli bayraq gәrәyini duymuşlardır
Əsasәn dünyada bayrağı olmayan tәk bir milli hәrәkәt millәtlәşmә, öz gәlәcәyini bәlirlәmә hәrәkәti yoxdur. Biz dә istisna deyilik. Bölgәmizdә cәrәyan edәn bütün milli hәrәkәtlәr, Filistin, Qarabağ Ermәnilәri, İran, Əraq vә Türkiyә Kürdlәri, Çeçәnlәr, Osetin, Abxaz, Quzey Qibris Türklәti, Çin Uyqur vә Tibetlilәri hamısı milli mucadilәlәri sırasında bu milli bayraq gәrәyini duymuşlardır. Milli bayrağı mәnimsәmә onların devlәtlәşmәsindәn sonraya da xas olan bir olay deyildir. Güney Azәrbaycan vә İran’ın başqa bölgәlәrindә yaşayan Türk xalqı vә milli mucadilәsi dünyanın başqa xalq vә milli mucadilәlәri kimidir vә bayraqlanması onun millәtlәşmәsi vә milli mucadilәsinin siyasilәşmәsinin olqunlaşmasının gәrәyidir. Güney bayraqlanmasına qarşı çıxmaq, böyüyәn bir uşağın böyümәsinә qarşı çıxmaq kimi doğanın diktә etdiyi evrim vә gәlişmәyә qarşı çıxmaqdır.
Bugün Güney Azәrbaycan, hәtta Güney İran’da önәrilәn bayraqlar bu milәtlәşmә vә öz’ün biçimlәnmәsi vә bu öz’ә bilinclәnmәnin sonucudur. Bu bayraqları önәrәnlәr hamısı güneydәn vә hәrәkәtin içindәn çıxmış insanlardır. Evrimlә vә sürәc içindәn çıxan bayraq iştә belә olar. Bayrağın ortaya çıxması üçün başqa bir evrim başqa bir sürәcin bәklәnmәsi mәntiqli deyildir. Sürәc dә, evrim dә şu anda içindә olduğumuz serәc vә evrimdir. Bu sürәcin sonunda önәrilәn bayraqlardan biri evrilib sivrilәcәk, tәsbit edilәcәkdir, bütün milli hәrәkәtlәrdә olduğu kimi.
Əlbәttә bayraq sorunu ilә ilgili tәlәsmәyә gәrk yoxdur. Biz bayraq sorunu vә gәrәksiniminin necә vә hansı sürәcdә çözülәcәyini daha da vә ayrıntıları ilә vә hәr tәrәfli tartışmalıyıq. Bu qonuda ilәri sürülәn düşüncәlәrin hamısı üzәrindә durulması gәrәkәn fikir vә önәrilәrdir.
Gәrçәyә Hu
0 Comments:
Post a Comment
<< Home