آزهربايجان جومهورييهتينين بايراغي، گونئي آزهربايجان`ين ميللي بايراغي دئييلدير
مئهران باهارلي
سايين گونتاي بهي:
يازديغينيز بو يازيدا ايكي تمهل گؤروش واردير. بونلارين بيرينه يوزده يوز قاتيليرام، اؤتهكينه ايسه يوزده يوز قاتيلميرام.
١-يوزده يوز قاتيلديغيم قونو: توركييه و آزهربايجان جومهورييهتينين بايراقلاري، اورالاردا ياشايان خالقلارين ياشاديقلاري و ايچيندهن گئچديكلهري تاريخي سورهجلهرين محصولودور. دولايييسي ايله او بايراقلار، توركييه و آزهربايجان جومهورييهتينين بايراقلاريدير، بوندان سونرا دا بئله قالاجاقدير.
آنجاق توركييه و آزهربايجان جومهورييهتينين ميللي بايراقلاري، گونئي آزهربايجان، ايرانين گونئيينده قاشقاي يورد و خوراساندا آفشار يوردون بايراغي دئييلدير، اولابيلمهز ده. نه بوگون نه ده گلهجهكده. چونكو اونلار بيزيم ياشاديغيميز تاريخي سورهجلهرين دئييل، باشقا ياشاملارين سونوجودورلار.
او بايراقلارين بيزيم ده ميللي بايراقلاريميز اولابيلمهسي، تاريخي گئرييه چئويرمهك و يئنيدهن باشقا تورلو يازماقلا، گئچميشي اونلارلا يئيندهن و بيرليكده ياشاماقلا مومكون اولابيلهر. بو دا خهيالدان باشقا بير شئي دئييلدير.
گونئي آزهربايجان و ايرانين باشقا بؤلگهلهرينده ياشايان تورك خالقينين ميللي بايراقلاري، اؤز ديناميكلهري و اؤز ميللي موجاديلهلهري و ياشاديقلاري تاريخي سورهج ايچينده اورتايا چيخاجاقدير.
دولايييسي ايله توركييه و آزهربايجان جومهورييهتينين ميللي بايراقلاريني، گونئي آزهربايجانين ميللي بايراغي دييه قالديرانلار و يا گؤستهرهنلهر، درين بير يانيلقي ايچيندهديرلهر.
٢-يوزده يوز قاتيلماديغيم قونو: گونئي آزهربايجانا ميللي بايراق گرهكمهدييي و تورك ميللي حرهكهتينين بئله بير اكسيكلييينين اولماديغيدير. تورك خالقيني فارسلاردان دوشونجه و ائيلهمده و سمبوللاردا آيريشديران هر شئي، تورك خالقينين ميللهتلهشمهسينه و سيياسي كيمليك قازانماسينا كؤمهك ائدهر. ايران و گونئي آزهربايجاندا جرهيان ائدهن چاغداش ميللي حرهكهت ده ميللهتلهشمه و سيياسيلهشمهدهن عيباره ت اولدوغونا گؤره، گونئي آزهربايجانين اؤزونه خاص بير بايراق منيمسهمهسي، اولدوقجا يارارلي بير گيريشيم و گرهكلي بير ائحتيياجدير. بايراق آيريشديران سمبوللارين ان گوجلوسودور.
بورادا ياديرقاناجاق هئچ بير شئي يوخدور. بؤلگهميزده جرهيان ائدهن بوتون ميللي حرهكهتلهرده ايستهر فيليسطين، قاراباغ ائرمهنيلهري، ايران، عيراق و توركييه كوردلهري، چئچهنلهر، .... هاميسي ميللي موجاديلهلهري سيراسيندا ميللي بايراق گرهييني دويموشلاردير. بو دئولهتلهشمهلهريندهن سونرايا خاص اولان بير اولاي دا دئييلدير. گونئي آزهربايجان و ايرانين باشقا بؤلگهلهرينده ياشايان تورك خالقي و ميللي موجاديلهسي ده دونيادا باشقا خالق و ميللي موجاديلهلهر كيميدير و بايراقلانماسي، اونون ميللهتلهشمه و ميللي موجاديلهسينين سيياسيلهشمهسينين، اولقونلاشماسينين گرهييدير. گونئيين بايراقلانماسينا قارشي چيخماق، بير اوشاغين بؤيومهسينه قارشي چيخماق كيميدير.
Azerbaycan Cumhuriyetinin bayragi, guney azerbaycanin milli bayragi deyildir
mehran baharli
sayin guntay bey goyalp:
yazdiginiz bu yazida iki temel gorush vardir. bunlarin birine yuzde yuz qatiliram, otekine ise yuzde yuz qatilmiram
1-yuzde yuz qatildigim qounu: turkiye ve azerbaycan cumhuriyetinin bayraqlari, oralarda yashayan xalqlarin yashadiqlari ve ichinden gechdikleri tarixi sureclerin mehsuludur. dolayisi ile o bayraqlar, turkiye ve azerbaycan cumhuriyetinin milli bayraqlaridir, bundan sonra da bele qalacaqdir.
ancaq turkiye ve azerbaycan cumhuriyetinin milli bayraqlari, guney azerbaycan, iranin guneyinde qashqayyurd ya da xorasanda afsharelinin milli bayragi deyildir, olabilmez. ne bugun, ne de gelecekde. chunku onlar bizim yashamadigimiz tarixi sureclerin deyil, bashqa yashamlarin sonucudurlar.
o bayraqlarin bizim de milli bayragimiz olabilmesi, tarixi geriye chevirmek ve yeniden bashqa turlu yazmaqla, gechmishi onlarla yeniden ve birlikde yashamaqla mumkun olabiler. bu da xeyaldan bashqa bir shey deyildir.
guney azerbaycan ve iranin bashqa bolgelerinde yashayan turk xalqinin milli bayraqlari, oz dinamikleri ve oz milli mucadileleri ve yashadiqlari tarixi surecleri ichinde ortaya chixacaqdir.
dolayisi ile turkiye ve azerbaycan cumhuriyetinin milli bayraqlarini, guney azerbaycanin milli bayragi diye qaldiranlar veya gosterenler, derin bir yanilqi ichindedirler.
2-yuzde yuz qatilmadigim qonu: guney azerbaycana milli bayraq gerekmediyi ve turk milli hereketinin bele bir eksikliyi olmadigidir. turk xalqini farslardan dushuncede, eylemde ve sembollarda ayrishdiran her shey turk xalqinin milletleshmesine ve siyasi kimlik qazanmasina komek eder. iran ve guney azerbaycanda cereyan eden chagdash milli hereket de milletleshme ve siyasileshmeden ibaret oldugu uchun, guney azerbaycanin ozune xas bir bayraq menimsemesi, olduqca yararli girishim ve gerekli bir ehtiyacdir. bayraq ayrishdiran sembollarin en guclusudur.
burada yadirqanacaq hech bir shey yoxdur, bolgemizde cereyan eden butun milli hereketler de ister filistin, qarabag ermenileri, iran, iraq ve turkiye kurdleri, chechenler, .... hamisi milli mucadileleri sirasina, -bu devletleshmelerinden sonraya xas bir olay deyildir- milli bayraq gereyi duymushlardir. guney azerbaycan ve iranin bashqa bolgelerinde yashayan turk xalqi ve milli mucadilesi de dunyada bashqa xalq ve milli mucadileler kimidir ve bayraqlanmasi, onun milletleshme ve milli mucadilesinin siyasileshmesinin, olqunlashmasinin gereyidir. guneyin bayraqlanmasina qarshi chixmaq, bir ushagin boyumesine qarshi chixmaq kimidir.
------------------------
گونتاي گنجالپ
بيزيم بايراق؟!
گوناز ت و- ده تئهرانداکي «تراکتور» تيمي نين ياريشي حاققيندا بيلگي وئريلير. اورادا چوخو گنج اولان مينلرجه اينسان اولوسال دويغولاريني ديله گتيرير. بونلارا باخديقجا گئرچکدن ايراندا ياشايان تورکلوگون دويغو و دوشونجه لرينده ميللي کيمليک دوغرولتوسوندا جيدي دگيشيم يارانديغينا آچيقجا تانيق اولماق مومکوندور. ايرانين موختليف يئرلريندن اولوشان تورک اينسانلاري «تراکتور» تاخيمينا دستک وئرير. چونکو «تراکتور»و ميللي کيمليگي تمثيل ائدن بير تاخيم کيمي گؤرورلر. نظره آلينسا کي، قادينلارين بو ستاديوما گيريشي ياساقدير، او زامان ان آز اوردا اولانلار قدر ميللي دوشونجه لي قيزلارین عکسيکليگيني ده گؤز اؤنونده بولوندورماليييق. کرجده ياشايان تورکلرين مورال دستکلري اينانيلماز اؤلچوده بؤيوک بير پلاکاردلا اورتايا چيخير. هر شئي چوخ گؤزل ايره ليله يير.
انجاق يئنه ده گوناز-دا بير شئيه شاهيد اولدوق. ايکي گنج آدام بيري آذربايجانين، بيري ده تورکييه نين بايراغيني چيخاريرلار. بو ايکي گنج آدامين يانيندان اونلارجا اينسانين اوزاقلاشديغينا تانيق اولدوق. يعني ت و-ده گؤردوک. بو بايراقلار گؤستريلديگينده ميللي شوعار وئرن گنجلرين اورادان نئجه اوزاقلاشديقلاريني گؤردوک. اوزاقلاشانلار هاقلي، اورادا بايراق چيخاريب و او هيجانين قايناغيني باشقا اؤلکه لر اولاراق گؤسترمک ايسته ينلر هاقسيزديرلار. او بايراقلارين اؤز کئچميشي وار. او بايراقلارين هئچ بيريسي ايرانين ايچينده کي تورکلوگون ايستکلريني عکس ائتديره بيلمز. تام ترسينه، ميللي قالخينمانين قايناغيني ايچ ديناميکلره دئييل، سانکي ديشاريدان کؤروکله نن ماجرا کيمي گؤسترر. او بايراقلاري اورايا گتيرمک مومکونموشسه، دئمک کي، داها چوخ بايراق ايچرييه سوخماق اولارميش. آنجاق عاغلي باشيندا اولان آداملار بونا احتيياج دويماميشدير. سادجه حدديندن آرتيق چوخ گنج گؤرونن ايکي آدام بو يانليش ايشي گؤرموشلر. اونلار دا بلکه 2-1 ايلدن سونرا بو آشیری داورانیشلاریندان پئشمان اولاجاقلار. قاچانلار تئز یورولوب نفسدن دوشوب، حرکتدن گئری قالیرلار. بئله لرینه چوخ راست گلدیک. يا دا بئله آنلامسيز ايشلرينه گؤره رئژيم طرفيندن باسقي آلتينا آلينيب و هله گنجليکلري نين ايلک باشيندا ايکن بير چوخ ايجتيماعي هوقوقدان محروم بوراخييلاجاقلار. گئرچکدن بونا دگرمي؟ گئرچکدن بونون آدي موباريزه ديرمی؟ يوخسا بئله دگرسيز دويغولاري گيزلين ساخلاييب اونيوئرسيته لره گيريب، ايجتيماعي مؤوقئع قازانيب و موباريزه ني يوکسک ايجتيماعي ستاتوسدان برخوردار اولاراق سوردورمک داها ياخشيدير. فردي و ميللي حيات باخيميندان هانسي داها وئريمليدير؟ یانلیش مکاندا و زاماندا بو کیمی خطالار اوزوندن بو فاشیست رئژیمه یئم اولماق دوغرودورمو؟
ايکي تجروبه سيز و حياتيندان بئزميش گنج آدامين بو شکيلده خطا ائتمه لري بلکه ده بير او قدر اؤنملي گؤرونمه يه بيلر. اؤنملي گؤرونن گوناز کيمي بير مئديا موسسيسه سي نين بو خطالاري هاقلي کيمي گؤسترمه سيدير. گوناز بو آنلامسيز و دگرسيز گؤرونتولري گؤستررکن «او بيزيم بايراغيميزدير» - دئيه رک، داها سونرا دا بو خطالارين ياپيلماسيني تشويق ائتدي! نه زاماندان اونلار بيزيم بايراغيميز اولدو دا بيزيم خبريميز اولمادي؟ گئرچکدن بيزيم اوچون عکسيک اولان بايراق مسئله سيدير، يوخسا ميللي شعور؟ بير ميللي مئديا موسسيسه سي رئاليست و پراقماتيست بير ميلت يئتيشديرمگي بير مقصد کيمي تبليغ ائتمه ليدير. حتّی بئله کادرلار ائکرانا داشينماماليدير کي، اونودولسون گئتسين. چونکو بو گنجلرين فردي حياتلاري اونلارين عاييله لري و ميللي تاريخ اوچون چوخ اؤنمليدير. من «او بايراقلاري اورايا ايططيلاعات سوخموشدور»- دئميرم. آنجاق بو فيکيري سؤيله ينلره ده قارشي چيخميرام. ميللي حرکت تمکينله، صبيرله گئديلمه سي، واريلماسي گرکن بير يولدور. يانليش داورانيشلارلا غليانا گلن ميللي دويغولاري ساپديرماماق گره کير. آذربايجان و تورکييه بايراقلاريني چيخاراراق ميلتين اولقون و تجروبه لي لايه سيني نین بو حرکته قاتيلماغي نين قارشيسيني آلماق ايهانت دئييل ده ندير، عجبا؟ او بايراقلاري اورادا 1 دقيقه ليگينه چيخاريب و سونرا دا فيلميني چکيب گونازا گؤندرمک چوجوق اويونجاغي کيمي گؤرونور. چونکو اويون گئدرکن هئچ بير يئرده بو بايراقلار گؤرونمور. گيزلينجه 10-5 نفرين ايچينده چيخاريب شکليني چکه رک گونازا گؤندرمک ساختا تبليغات آماجي داشييير. تاماشاچييا بئله تلقين ائديلير کي، سانکي اويون داوام ائتديگي مودتچه او بايراقلار اوردا دالغالانميشدير! آنجاق ائله بير شئي اولماميشدير. بلکه ده هئچ او موحيط باشقا یئردی، اویون ساحه سی دئییل. هاراديرسا، هر حالدا او بايراغي گؤررکن اوردان اوزاقلاشانلار چوخ هاقلي تپکي گؤسترديلر. کئشکه گونازدا اورداکيلار قدر تمکينلي موناسيبت بيلديرسه ايدي.
منيم او گنجلره تکليفيم بودور کي، بئله فورصتلردن دوغرو ايستيفاده ائتسينلر. ميللي ايستکلريميزي خاريجي اؤلکه لره باغلامادان بئله فورصتلرده ديله گتيرسينلر. باشقا اؤلکه لرين بايراقلاريني چيخاريب توپلومو قاچيرماق يئرينه، ميلتين بو کيمي فورصتلرده داها دا آکتيو اولماسي اوچون جلب ائدیجی يؤنتملر گليشديرسينلر. هر بیر توپلولوغون بولوندوغو شرطلره گؤره رئفلکسلر بوتونو اولوشمالیدیر. جمیعتین چوخو آسیمیله ائدیلمیش و آسیمیلاسیونون تلقین ائتدیگی باخیشلا بو حرکتین قایناغینی باکی و آنکارا اولاراق گؤسترمکده دیرلر. بونون یانلیش اولدوغونو ایثباتلامالییق. آنجاق او بایراقلاری اورادا و یا باشقا یئرده قالدیرماق رئژیمین تلقین ائتدیگی «بو ماجرالار دیشاریدان میللی گووَنلیگیمیزی تهدید ائدن عامیللردی.» گؤروشونو حاقلی کیمی گؤستریر. دویقوساللیغین آرخسیندا اوزاقگؤرن غقلی درینلیک اولمادیقجا دؤنوب دولاشیب اؤزوموزه ضرر وئره جه ییک.
2009/10/29
0 Comments:
Post a Comment
<< Home