باي بك سايتينين اؤنه ردييي بايراقلار٢٠٠٦
آذربایجانا بایراق اؤنه ريلري
ياشاديغيميز چاغدا بير ميللت اولاراق بايراغا ائحتيياجيميز وار. بايراق بير ميللتين سيمگه و سمبولو اولاراق اولوسلارآراسي هؤرگوتلر و حتتا باشقا اؤلکه لر طرفيندن تارتيشيلا بيلير. بونا باخاراق ميللي بايراق ياراتماق بيز آذربايجان تورکلرينه چوخ اؤنه ملي بير ايش ساييلير.
بوگونه قده ر چوخلو ساييدا اؤنه ري ياپيليب آمما ميللي فععاللار طرفيندن باشقا جور ايشه آلينير ٫ کي بو بيزيم بيرليک (ميللت اولاراق) و کيمليييميزه آغير ضربه لر وورور. سياسي دوشونجه باشقا ٫ ميللي کيمليک باشقا. آذربايجان تورکو ايستيقلالچي و يا فئدئرالچي اولا بيلير. حتتا هئچ بير سيياسي دوشونجه يه اينانمايا بيلير. آنجاق ميللي کيمليک اينساندان آيريلماز بير اصلدير. بو ميللي کيملييي دونيايا تانيتان٫ بايراقدير.
اگر سيز و يا سيزين اينانديغيز سيياسي پارتينين اؤنه ردييي بير بايراق وارسا ٫ تکميل بيلگي و تانيتيم ايله بيزه گؤنده رين.
گؤنده رمک اوچون ٫ ايمئيل وسيله سي ايله و يا بو وئبلاگا يازيلماق ايله ايش ياپا بيليرسيز.
بايراغين بيلگيلري نه اولا بيلير؟
۱- بايراقين شکلي (مثلن دؤرد بوجاقلي) و نده ني
۲- بايراغين بويوتو (بوي و ان)
۳- بايراغين رنگلري (مثلن قيرميزي) و نده ني
۴- بايراقدا اولان سيمگه لر (مثلن اولدوز) و نده ني
۵- بايراغين تاريخي و افسانوي داياناجاغي (مثلا آراز چايي) و نده ني
۶- بايراغين سيياسي باخيمدان سورونسوزلوغو
۷- بايراغين چاغداش دونيايا اؤيدوغو قونوسوندا آنلاتما
اؤنه ريله ن بايراقلار نئجه تانيتيلاجاقلار و بو وئبلاگ نده ن ياراتيليب؟
۱- هر اؤنه ريله ن بايراغا بير بؤلوم و او بؤلومده زييارتچيلرين گؤروش يازما ايمکاني ياراناجاق.
۲- بايراقلارين بيلگيلري ٫ اؤنه ره ن و اونايلايانلار طرفسيز اولاراق تانيتيلاجاقلار.
۳- بو وئبلاگ تحميل و يا تخريب اوچون ياپيلماييب٫ بو وئبلاگ ساده جه ميللتيميزه بايراق تمريني ياپماق اوچون ياراتيليبدير.
۴- چوخ اوي آلان اؤنه ريلميش بايراق ساده جه بو وئبلاگدا قازانان بايراق اولاجاق٫ آنجاق فععالار و بللي توپلوملارا اؤنه ريله جک.
دونيا اؤلکه لرينين بايراقلاري:
بايراقلار باخماق اوچون لطفا بو آدرسه باش وورون: دونيا بايراقلاري
گؤنده ريله ن عکسلرين فورمتي و بويوتو:
۱- JPG ٫ JPEG ٫ BMP ٫ GIF و PNG فورمتينده
۲- لاب چوخ ۱۰۰۰ کيلوبايت (۱ مئگابايت)
۳- بويوت (لاب آز) بوي: ۴۰۰ پيکسئل و يا ان: ۴۰۰ پيکسئل
۴- رئزولوشين: ۱۰۰ و يا چوخ
0 Comments:
Post a Comment
<< Home