Sunday, July 06, 2008



گوناسکام اولاراق ميللتيميزين وارديغي بوتون اورتاق قرالارينا سونسوز سايغيميزي گؤسته ره جه ييک

info@gunaskam.com

--------------------------------------------------------------------------------

هفته لیک باخیش

--------------------------------------------------------------------------------

عصيرلردير بايراقلار دؤولتلري تمثيل ائدن سيمگلر اولاراق اسيبلردير. بوگونکو دونياميزدا آرتيق بايراق سادجه دؤولتلرين دئييل بلکه ميللتلري د تئمثيل ائدن سيمگيه دؤنوشموشدور. باغيمسيزليغي اوغروندا موجاديله ائدن، دونيا سياسي معاديللرينه آچيلميش اولان، وه ميللي مجادلسيني دونيايا تانيتديرميش اولان گونئي آذربايجان ميللتي ده آرتيق بئلنچي بير سيمگيه احتيياج دويماقدادير.

بو احتيياج داها اؤنجه دن اورتايا جيخيب وه بو احتيياجي اورتادان قالدریرماق اوچون آديملار آتيلمشدير، آما اؤنريلن بايراقلار عموم طرفيندن قبول ائديلمه ديگي اوچون آتيلان آديملار باشاريسيز قالميشدير. ايندي ايسه اگر ميللتيميز عموم اولاراق ميللي بايراق سئچمه قرارينا گلميشسه بو بايراق هرکس طرفيندن قبول ائديلمه لي و هرکس اونو منيمسمه ليدير. بايراق وئرديگيميز موجاديله نين اورتاق سيمگه سي اولما اؤزلليگيني گوستره بيلمسي اوچون عموم طرفيندن دستک آلماليدير. بونون اوچون ده فعال شخصلر وه تشکيلاتلارين فيکيرلري آلينمالي وه سايغي ايله قارشيلانماليدير.

کئچن گونلرد گونئي آذربايجان ميللي حرکتي فعاللاري طرفيندن گونئي آذربايجان اوچون سئمبل طرحي اؤنريلميشدير. بو سئمبلون داشيديغي اؤنملي اؤزلليکلر واردير. قارا رنگيند آي اولدوز داشييان ماوي، قيرزميزي و ياشيل سمبول، محمد امين رسولزاده طرفيندن آذربايجان جمهورييتي بايراغي اولاراق يوکسلن بايراقلا فرقلي دوشونجه يي يانسيدماماقدادير. بو بايراغين ان اؤنملي اؤزلليگي آذربايجان ميللي حرکتي نين آماجلاريني قارا رنگيندکي آي اولدوزوندا تانيملاماسيدير.

ابولفضل ائلچي بئي’ين اؤنريسي اؤزلليگيني داشييان بو بايراق، گونئي آذربايجان باغيمسيليغيني قازانانا دک قارا آي اولدوزونو قوروماقلا ميللتيميزين وئرديغي موجاديلني آنلادماقدادير. حتی داها اؤته سي گونئي آذربايجان باغيمسيليغيني قازانديقدان سونرا، بايراق بوتؤو آذربايجان گرچکلشنه دک قارا آي وه آغ اولدوزو ايله حرکتين بو دوشونجه يي ايزله ديگيني ده گؤستره بيلمه سيدير. دئمک کي بايراغين داشيديغي اؤزلليکلری باخاراق، قوزئي آذربايجان اوچون اويغون بير سمبول اولدوغو گؤرونمکده دير.

سيمگه نين حرکتي دوغرو يانسيدماسي وه حرکتين ايستکلريني داشييا بیلمه سي اولايين هاميسي دئيييل و بايراق گونئي آذربايجان ميللي حرکتينده ميللتيميزين اؤزگورلوگو و سعادتي اوغرونا موجاديله ائدن حرکتي عيني چاتي آلتينا توپلايابيلمدير. دوغال اولاراق ميللي فعاللاريميز اؤز دوشونجه لرينه اويغون اولان اينسانلارلا چاليشيب و تئشکيلاتلار قورورلار. آما حرکتين عيني يولون يولجوسو اولدوغو دا اورتاق بير سمبول گؤستريب، نه قدر گوجلو اولدوغوموزو و ال اله وئریب بو حرکتي سوردوردوغوموزو ده ايثبات ائده بيلريک. بيز گوناسکام اولاراق ميللتيميزين وارديغي بوتون اورتاق قرالارينا سونسوز سايغيميزي گؤستررک بوينوموزدا اولان موجاديله گؤره ويميزي يئرينه گتيررک، دسته ييميزي ده اسيرگه ميجه ييک

0 Comments:

Post a Comment

<< Home