آذربايجان-ين گونئيينده گئدن بايراغ مسئله سينه بير باخيش - آراز قاراداغ

دئمئک اولار کي ۱۷۸۹ اينجي ايلده فرانسه نين بؤيوک اينقيلابيندان سونرا دونيادا ميللي دئولتلرين قورولماسي گوجلو شکيلده اورتايا چيخدي، دونيادا ميللي دئولتلر ياراتماق مرحله سي باشلاياندا تاسوفله آذربايجاندا هله بئله بير فيکير اورتايا چيخماميشدي و بو بيرينجي سببلردن دئمک اولار کي بير اورگي صاف، ؤزگه لري اؤزو کيمي صداقتلي سايان بير پاک ميلتين و قوتسال بير توپراقين ايکييه بؤلونمه سي دوشمنلرين الي-ايله چوخ راحات شکيلده حياتا گئچيريله بيلدي و او زامان آذربايجاب ميلتي آييلدي کي داها زامان چوخ گئجيشميشدي. آما بو بؤلونمه نين آردينجا آذربايجاندا، بؤيوک موباريزه لر آياق توتوب يولا دوشدو. اير نتيجه وئرمه سه ده آنجاق آذربايجان ميلتي داييم ايستيمارا و دوشمانلارينا قارشي دويوش آپاردي. تبريزده ستارخان و باقيرخان رهبرليغي ايله مشروته اينقيلابي ايستيمارا قاليب گلدي، آما بو حرکتدن آذربايجان ميلتي بير اوغور قازانا بيلمه دي هئچ بلکه بؤيوک اينسانلاري شهيد ائديلدي و بو اينقيلابين قازانجيندا ايندي ايران آدلانان اؤلکهده ياشايان باشقا ميلتلره ايکي اللي تقديم اولوندو.

بو اينقيلابين آردينجا آذربايجانين گونئيينده رحمتليک شئيخ مهممد خيياني رهبرليغيله يئنه بير موباريزه باشلاندي و تقريبن بونونلا ياناشي آذربايجانين قوزئيينده-ده سايين محمد امين رسولزاده-نين رهبرليغي ايله ميللي دئولت يارادماق موباريزه سي گئدير-دي، تاسوفله شيخ محمد خياباني هرکاتي ۶ آيدان چوخ دوام گتيرمه ييب و آذربايجان دوشمانلاري نين الليله قانا بوياندي، آما آذربايجانيميزين قوزئيينده گئدن ميللي آزادليق هرکاتي اؤز يولونو دواملي حالدا آپاريردي و سونوجودا دونيانين شرق بؤلومونده اولان بيرينجي جومهورييئتين يارانيلماسيدي.

آما يئنه ده تاسوفله تورک دوشمانلارين گؤزو بو ميللي دئولتيميزيده گؤتورمه ييب و نهايت ۲۳ آيدان سونرا سومورگه چيلرين الي-ايله گونئييميزده گئدن آزادليق هرکاتينا تاي قانا بوياندي. دئولتچيليغيميز داغيلدي آما بو جومهورييتيميزدن بيزه بؤيوک بير ميراث و بوتون مفکوره لريميزي (تورکچولوک ، چاغداشليق، ايسلامچيليق) داشييان ميللي بايراغيميز ياديگار قالدي و نه قدر دونيا وارسا ميللي بايراغيميز قالاجاقدير.بای بک

اوچ رنگيلي قوتسال بايراغيميز ۱۹۱۸ اينجي ايلده گونئيلي و قوزئيلي سويداشلاريميزين الي ايله تخمينن ۱۰۰ گون آذربايجانيميزين قوزئيينده دئولت قورولمادان سونرا ياني سپامبر آيي نين ۹-اوندا دونيادا آذربايجان تورک دئولتيني و ميلتيني تمسيل ائدن بير بايراغ کيمي اورتايا چيخاريلدي .

دئديغيميز کيمي جومهورييتيميز داغيلدي آما ميللي بايراغيميز داييم اتتيرلنيب-گؤز ياشلاري ايله سوواريليب صانديقلاردا ساخلانيلدي. ميللئتيميز سارسيلمادان موباريزه ائديب و نهايت ميللي بايراغيميز ۱۹۸۸ اينجي ايللرده اروپا اؤلکه لئرينده يئنه ده سويداشلاريميزين و بونون آردينجا ناخچيوان پارليمانيندا قالديريليب و نهايت ۱۹۹۱ اينجي ايلده آذربايجانيميزين قوزئيينده باغيمسيز دئولت ياراديلاندان سونرا يئنه دالغالاندي.

قوزئيين ايستيقلاليندان سونرا گونئيده گئدن ميللي آزادليق هرکاتيدا بو باغيمسيزليقدان ائتگيله نيب و داها گوجلندي و بوتون آشامالاردان آشماغا دوغرو گئديردي و بير کيمسه ده بونا قارشي چيخا بيلميردي. آما تاسوفله ۲۰۰۲ اينجي ايلده بير تئداد بيليب و يا بيلممه دن هم ايچريدن و همده ديشاريدان فارس دييرمانينا دن تؤکمه يه باشلاديلار و ايران آدلانان اؤلکه ده بوندان فايدالانيب ميللي هرکاتي پارچالاماقا ال آتدي، بو اينسانلار بوتون اوصولاري آياقلاياراغ قارداش داعواسيني ساليب. گونئيده گئدن هرکاتي پارچالاماق و يا يولوندان چاشديرماغا، قوزئيلي-گونئيلي سويداشلاريميزي اوز-اوزه قويماقا جهد ائدديلر.

اؤز تشکيلات بايراغلاريني آذربايجانين گونئيي نين بايراغي کيمي آپارماقا باشلاديلار. آنجاق دوغرودان اورگي يانان فعالار هم ايچريده-هم ديشاريدا بير آن اوتورمادان او اينسانلارين کي آذربايجان منافعييني اؤز منافعيلئرينه قوربان ائلماغ ايسته ييرديلر قارشي قارشييا چيخيب و ائله يه بيلديلر بئله اينسانلارين چيرکين اوزلريني آذربايجان ميلتينه تانيدالار. اؤزل معنافه داليسيجا اولان اينسانلار ايچريده ميللي فعالارين قارشيسيندا دايانا بيلمه ييب يا گئري چکيليب يا زاما نين گئديشينده حرکتدن اوزاقلاشيب اؤز شخصي ياشاييشلارينا مشغول اولدولار. آما تاسوفله بئله اينسانلارا و آذربايجان ميللي هرکاتينا اؤزلريني ليدئر سايانلار اؤز چيرکين ايشلريندن ال چکمگيلر و منجه بئله اينسانلارين آزئربايجان آددا بير پوروبلئملئري يوخدور بلکه آذربايجانين بونلار آددا بير پوروبلئمي وار کي نئجه اؤز ياخاسين بئله اينسانلاردان قورتارسين. تاسوفله بئله اينسانلارين يا پارتييالارين سايي آز اولمادي، هر پارتييا اؤز بايراغيني گونئيين بايراغي کيمي تئريف ائله دي و بو آرادا بير گونئي اولدو بير اللين بارماق ساني بايراغ.

طبیعیدير کي بو گونکو دونيادا هر حرکتلارين و يا دئولت قورماق ايسته ين ميلتلرين بير سيمگه سي يا بايراغي اولماق اؤنمليدير، بونون اوچون ايچريده اولان آذربايجان ميللي فعالاري تئزده اولموش اولسا بئله بير نظره گلديلر کي گونئيين سيمگه و يا بايراغ مسئله سيني اؤزلري چؤزسينلر. آما بئله مسئله ني آپارماقا چوخ ديقتلي اولماق گرکليدير.

چون گونئيين اؤزونده اؤزه ليکده ايچريده تئشکيلات آزدير و چوخ تئيفيلي يا قوروه کيمي دئمک اولار، بئلا بير دورومدا چوخ چتينليکلرله اوز-اوزه گلمک اولار کي ان اؤنملي بيريسي حرکتين يئنيدن پارچالانماسيدير، نييه کي هر طيف يا قووه اؤز اؤنرديگي سيمگه يا بايراغ اوسته دايانيب و قبول اولماديقيندا بير-بيريندن آرالي گئتمگه دوغرو آدديم آتاجاقلار کي بودا قالما-قالا سبب اولوب نهايت سليقه ايختيلافلارلنين درينلشمه سينه و هرکات پارام-پارچا اولوب هره اؤز سئوديگي کيمي بو مئيداندا آتيني چاپتيرماقا اوز قوياجاق.بای بک

بيز نئجه بئله پارچالانماقين قارشيسيني آلا بيلريک؟منجه يانليز سايين ابوالضل ائلچي بئي-ين آذربايجانين گونئيي اوچون قبول ائله ديغي اؤنريلن بايراغي اورتايا چيخارماق کي ميللي بايراغيميزين تام اؤزودور يانليز فرقي بورادير کي بو اؤنريلن بايراغدا آي اولدوز قارادير. آنجاق مئنجه چون رحمتليک ائلچي بئي-ين بؤتوو آذربايجاندا يوکسک سوييدا هم ميلت-همده فعالار آراسيندا سايقييا ماليکدير و آذربايجانين گونئيي اوچون اؤنريلن بايراغيدا بو بؤيوک ليدئريميزين قبول ائدماسي ايچريده و ديشاريدا ميللي هرکاتين پارچالانماسي نين قارشيسيني آلا بيلئر. بوندان باشقا فيکر ائدميرم بايراغ مثلاسي چؤزوله بيلسين.

آنجاق من اؤزومده بو اؤنريلن بايراغلا راضيليغ آپاريرام، امما بو آرادا بير نئچه سوال اورتايا چيخير.

۱- ميللي هرکاته ايندي کي دورومدا سيمگه ياخشي اولارمي؟سيمگه نين يارانماسي داها ياخشي اولار آما تاسوفله بير نئچه تشکيلات کي اؤزلريده اوچ جوت بير تک آدامديلار و ايندييه کيمي ده هرکاتي يانليز يولوندان چاشديرماقا جهد ائديبلر و شوکورلئر اولسون هله ايندييه کيمي اؤز چيرکين نييتلرين يئرينه يئتيره بيلمه ييبلر و بيلمياجاکلرده، بونو قبول ائديب و چيرکين ايشلريندن ال چکيب و ميللي معنافه نين اوغروندا چاليشسالار داها يگي اولار.

آما ائير يئنه ده بئله تشکيلاتلار يا شخصيلر بير نئچه جد جيبلرينه قويوب، بير دنه ده بويانميش پارچا بويونلارينا ساليب، گئديب او سازيمانين يا بو سازيما نين قاپيسيندا دايانيب، يولدان گئچنه اونو گؤستريب، آذربايجانين گونئيي نين آدينا آپارسالار داها سيمگه هئچ درده ياراماز و يانليز بوتون بو چاليشمالار واختي حدر ائتمک دئمکدير و او زامندا ميللي هرکات باشقا بير يولا فيکيرلشمه ليدير.

۲- آيا بو اؤنريلن بايراغ آذربايجانين گونئيي نين دئولت بايراغي دئمک اولارمي؟ منجه يوخ، چون دئولت بايراغي اينديدن بير اؤنر کيمي اولا بيلر و رسمن دئولات قورولاندان سونرا قبول ائديله بيلر. چون هله آذربايجانين گونويينده دئولت قورولماييبدير بس بودا اولماياجاق يانليز بير اؤنر کيمي هرکاتين طرفيندن آپاريلا بيلر و دئولت بايراغين پارليمان و ميلتين سس ايلا ياراتماق مومکوندور. آما بو اؤنريلن بايراغ اَير ميللي فعالارين اکثرييتي نين سسيله قبول ائديلسه، ديشاريدا کي سويداشلار بونو آذربايجانين ميللي آزادليق هريکاتين تانيتيمي کيمي دونيا سازيمانلاريندا وئ اؤز ميتينگيلرينده قالديرا بيلنلر.

۳- آيا بو اؤنريلن بايراغ آذربايجا نين گونئيي نين ميللي بايراغي کيمي دئمک اولارمي؟منجا يوخ، اشاغيدا اؤز فيکريمي ميللي بايراغ حاقدا سويداشلاريميزا بيلديريرم.

بايراغ مسئله سينده بير سيرا چوخ اؤنملي نوقطه لر وار کي، ونلاري گؤزه آلمادان دوغرو بير سؤز دئمک اولماز. بيرينجي و ان اؤنملي نوقطه آذربايجان تورکلوگونون ميللي بايراغ مسئله سي ايلا آذربايجانين گونئيي نين صاباح ايستيقلال قازانارکن هانسي دئولات بايراغي قالديراجاغي مسئله سيني بير-بيريندن آييرماقدير.

ميللي بايراغ مفکوره نين سيمگه سيدير و مفکوره سيز ميللي بايراغ اولا بيلمز. وار اولان بايراغيميزي يانليز آذربايجانين قوزئيي نين ميللي بايراغي کيمي قلمه وئرمک و آذربايجانين گونئيي اوچونده بير ميللي بايراغ اويدورماق ايسته ينلر هانسي يئني مفکورني ايره لي سورورلر؟ازربايجانين قوزئيي نين اؤز ميللي بايراغي، ازربايجانين گونئيينينده اؤز ميللي بايراغي اولماسي معناسيز، منتيغسيز، ساوادسيز و آقلا باتمايان بير فيکيردير.

بو جاهيليگين دوامي اولاراقدا قوزئي آذربايجان ميلتي، گونئي آذربايجان ميلتي کيمي اويدورمالاردا ايره لي سورولدو و بونو ديينلر آنلامادي کي، آذربايجاني ايچريدن بؤلمکله فارس دييرمانينا دن تؤکورلر. 50 ميليونلوغ آذربايجان تورکلوگو واحيد بير ميلتدير (اونون هله اؤزونو تام درک ائتمه مه سي آيري بير موزودور) و بير ميلتين ايکي ميللي بايراغي اولا بيلمز!وچ بويالي (گؤي و قيرميزي و ياشيل) سککيز قاناتلي اولدوز و آي پارالي بايراغ آذربايجانين تورکلوگونون بيرينجي ميللي بايراغيدير! بو بايراغي گونئيلي و قوزئيلي بوتون آذربايجان ائولادلاري، هتتا بوتون تورک دونياسي بيرليکده يوخدان وار ائديب و اونو ميللي بايراغ کيمي اوجالديب.بای بک

بيلديگيز کيمي، بايراغدا گؤي بويا تورکلوگون، قيرميزي بويا چاغداشليغين و دئموکراتييانين و ياشيل بويا ايسلامين سيمگه سيدير. چاغداشليغ و دئموکراتييا دؤورون ايستگيلا اورتايا چيخميشدي و اونو هانسيسا بير شخصه باقلاماق اولماز. آنجاق گؤي بويا تورکلوک، ازربايجان تورکو الي بي هوسئين زادئنين اورتايا آتديغي بير فيکير جرياني و قيرميزي بويادا دئديگيميز کيمي و ياشيل بويا ايسلام مسئله سيده يئنه آذربايجان تورکو (شيخ جمال الدين همدانلي نين، اسدابادي، افغاني و باشقا آدلارلا تانينير) ايره لي سوردويو بير فيکير جريانيدي. تاتار تورکو يوسوف آقچورا اوچ طرزي-حرکت اثرينده عوثمانچيليغ جريانيندا داخيل اولماقلا بو ۴ جرياني قارشيلاشديردي و اونلاردان هانسيسيني سئچمک گرکديييني بوتون تورک دونياسيندان سوروشدو.

علي بئي هوسئينزاده نين تورکلوک، چاغداشليغ، ايسلام اوچلوگونون وحدتي حدف آلان جاوابي هر کس طرفيندن قبول ائديلدي و بو جاواب تورکيه ده ضيا گؤگالپ طرفيندن دوزلشديريلدي. آذربايجاندا محمد امين رسول زاده-نين باشچيليغ ايله شرقين ايلک جومهورييتي اولان آذربايجان خالق جومهورييتينده بايراغا چئوريلدي، بو بايراغ بوتون تورکلوک اوچون عومومي اولان فيکير جريانلاري اوزرينده قورولموش تام ميللي بير بايراغدير.

ديقت يئتيرسنيز، آزربايجانين گونئيي اوچون ايرلي سورولئن بايراغلارين هئچ بيري بو اوچ فيکير جريانيندان و اونلارين سيمگه سي اولان گؤي، قيرميزي، ياشيل بويادان ايمتيناع ائتميرلر. دئمه لي، يئني مفکوره ايره لي سورولمور! و حالدا ، وار اولان ميللي مفکوره نين بويالاريني بير آز فرغيلي بيچيمده وئرمکله، يا خود هانسيسا بير علاوه جيزگي آرتيرماقلا يئني ميللي مفکوره و يئني ميللي بايراغ ياراتماق اولماز. هر کيمسه ، هاچانسا گرچکدنده يئني بير بايراغ ياراتماق ايستيرسه، اؤنجه زحمت چکسين، يئني بير ميللي مفکوره ياراتسين (و ميلتده قبول ائتسين) سونرادا بو يئني مفکوره نين رمزيلريني يئني ميلللي بايراغا چئويرسين. يوخ، اَير وار اولان ميللي مفکوره ميزين رمزيلري عصاس گؤتورولورسه، دئمک، وار اولان ميللي مفکوره ميز قبول ائديلير و او حالدا، وار اولان ميللي مفکوره ميزين رمزيلري اساسيندا ياراديلميش ايلک بايراغيميزدا ائله بو مفکوره نين تک ميللي بايراغيدير. داها اونو دييشديرمه نين هئچ آنلامي يوخدور.

رحمتليک ائلچي بئي تام آچيق-آيدين و کسين اولاراق دئميشدير: آزربايجانين گونئيينده يئني بير بايراغ يارانماياجاق، ورايا بو بايراغ گئده جک.

ائلچي بئي-ين بوتؤو آذربايجان دوشونجه لر کيتابي ائلچي بئي-یه اينانان اينسانلار اوچون بيرينجي دوغرو يول گؤستريجي فيکيردير. آانجاق تبيگيدير کي، ساباه آذربايجانين گونئيينده ايستيقلال قازانيلاندا و دئولت قورولاندا، و دئولتين اؤزوملو بايراغي اولاجاقدير. سادجه، ونودولماسين کي دئولت بايراغي و ميللي بايراغ هئچده هميشه آينيلاشديرا بيلمز.

ميثال اوچون، ساوئت دؤورونده آذربايجان جمهوریسي نين دئولت بايراغي واريدي، انجاق او بايراغ آذربايجانين ميللي بايراغي دييلدي، يانليز بللي بير سوسياليست مفکوره ني سرگيله ين دئولت بايراغيدي (تکرار ائديرم:ميللي بايراغ يانليز و يانليز ميللي مفکوره نين سيمگه سيدير).بای بک

دئملي، آزربايجانين ايستر قوزئيي نين ايسترسه ده گونئيي نين واحيد بير ميللي بايراغي وار. آنجاق آذربايجانين قوزئيينده بو ميللي بايراغ همده دئولت بايراغيدير، ساباه ايسه آذربايجانين گونئيينده ميللي بايراغ آز دييشيکله دئولت بايراغينا چئويريلمه ليدير. بو گون اساس مسئله او آز فرغين نئجه اولاجاقيني آيدينلاشديرماقدير. دداها دوغروسو، مسله ميللي بايراغ مسئله سي دييل، ميللي بايراغيميزدا گونئيين صاباح کي دئولتي اوچون هانسي آزاجيق دييشکليگي اساس گؤتورمک مسئله سيدير. بورادا اؤنملي ايش ايجريده اولان آپاريجي (فعالارين) بوينونا دوشور نه ديشاريدا اولان سويداشلاريميزين. چون کي بوتون اوموتلار ايچريده دير، اپاريجي اولاندا، هرکاتا يؤن وئرنده، هر نه ايچريده دير!

آنجاق يئنه ده من بو اؤنريلن بايراغي قبول ائديرم، آمما بو بايراغ آذربايجانين گونئيينده و ديشاريدا نه آدينان تانيناجاق بو منه چوخ اؤنمليدير.

۱- آيا بو اؤنريلن بايراغ آذربايجانين گونئيي نين ميللي بايراغي کيمي دئمک اولار مي؟ خئيير چون بير ميلتين بير ميللي بايراغي اولار. بس بونا ميللي بايراغ دئمک اولماز.

۲- آيا بو اؤنريلن بايراغ آذربايجان ميللي آزادليق هرکاتي نين تانيتيمي يا آذربايجانين گونئيي نين دئولت بايراغي کيمي دئمک اولار مي؟ اگر آذربايجان ميللي آزادليق هرکاتي نين بو اؤنريلن بايراغ تانيتيمي کيمي اولسادا من تام اؤزلوگومده قبول ائديرم اَير ميللي هرکات طرفيندن بو اؤنريلن بايراغ گلجاکده آذربايجا نين گونئيينده دئولت ياراتماق اوچونده اولسا يئنه ده من اؤزلوگومده بو ايشي دستکله ييرم.

اير سويداشلاردان بو يازي اوچون سورو اولسا، باي بک سيته سي واسيطه سيله يازارا اولاشا بيليرلر.

ساغ اولون
سايغيلاريملا
۰۴/۰۷/۲۰۰۸

ياشاسين تورکچولوک يولوموز
ياشاسين آذربايجانيميز