ميلي اؤنديريميز ائلچي به ي و گونئي آذربايجان بايراغي قونوسو - آيتان ار اوغلو

بای بک، آذربايجان | دوزگؤن, ۱۷-ي قوراپيشيرن , ۱۱۰۰۸ اینجی ایل, چولا ۲۲:۲۵ [آ.خ] | یازی و قوشوق

. بايراق قونوسو بوندان اؤنجه نئچه دؤنه جيدي دارتيشمايا سبب اولموشدور. آما بو گون دئيه سن بايراق بؤحرانيندان جانا گلن چوخلو حرکت فعاللاري بو مسأله نين بير تهر حل اولونماسي جهتينده چوخ جيدي ديرلر.

بيلدييينيز کيمي سؤزو گئدن طرح ايلک اولاراق بوتؤو آذربايجان بيرلييي تشکيلاتينين چاپ ائتدييي کيتابدا گلميشدير. بو کيتابين آدي (مختصر آذربايجان تاريخي) دير و ۱۹۹۹ تاريخينده ايشيق اوزو گؤرموشدو. ۱۹۹۹ دا رحمتليک ائلچي به ي ياشاييردي و باب تشکيلاتينين صدري ايدي. بورادا چوخ اؤنملي بير قونو وار. ائلچي به ي ديري اولدوغو حالدا و باب تشکيلاتينا باشچيليق ائتدييي حالدا باب تشکيلاتي طرفيندن ياييلان کيتابدان خبرسيز اولا بيلمزدي. بايراق قونوسو چوخ اؤنملي قونودور. عاغيل و منطيق بونو دئيير کي رحمتليک ائلچي به يين مختصر آذربايجان تاريخي کيتابيندا ياييلان طرحدن خبري اولموش و اونو تأييد ائتميشدير. اونا گؤره کي بايراق کيمي چوخ اؤنملي مسأله باب تشکيلاتينين صدري اولان رحمتليک ائلچي به يين ايراده سي و گؤروشوندن اوزاق کيتابدا درج اولا بيلمزدي. ديللرده دئييلن لره گؤره چوخلو ميلي شخصيتلريميز ائلچي به يين بو طرحي قبول ائتمه سينه شاهيد اولموشلار.


--------------------------------------------------------------------------------


--------------------------------------------------------------------------------

سون هفته لرين ايچينده گونئي آذربايجان بايراغي قونوسو ان اؤنملي بير قونو اولاراق اورتاليغا چيخميشدير. بايراق قونوسو بوندان اؤنجه نئچه دؤنه جيدي دارتيشمايا سبب اولموشدور. آما بو گون دئيه سن بايراق بؤحرانيندان جانا گلن چوخلو حرکت فعاللاري بو مسأله نين بير تهر حل اولونماسي جهتينده چوخ جيدي ديرلر. بو دؤنه گونئي آذربايجان اوچون بايراق دئييل بلکه ميلي سيمگه يا ميلي سيمبول اؤنريلميشدير کي دئييلن مسأله ده يئني بير ايش کيمي دير. تکليف اولونان طرح هيلال و اولدوزو قارا رنگده اولان آذربايجانين اوچ رنگلي بايراغيدير. گونئي آذربايجانين فارس ايشغالي آلتيندا اولدوغونا گؤره هيلال و اولدوز قارا رنگده اؤنريلميشدير. اؤنرينين بيلديريسينده گلدييينه اساسا بوتؤو آذربايجان قورولدوغو زامان هيلال و اولدوزون قارا رنگي سيلينيب و واحيد آذربايجان بايراغي دوغرولاجاقدير.

منيم شخصي باخيشيما گؤره بايراق بؤحرانينين حلي اوچون بو طرحين تکليف اولونماسي چوخ يئرلي و دوغرودور. بو طرحين بوتوو آذربايجان بيرلييي تشکيلاتينا و هم ده تاريخي و ميلي ليدريميز ابوالفضل ائلچي به يه منتسب اولماسي حرکيتيميزده ميلي ايتيفاق و اتحادين يارانماسينا کؤمک اولار. غرض سيز آرتيرمالييام کي قروپلار و تشکيلاتلاريميزين آراسيندا بعضي ايختيلافلارين اولماسينا گؤره آيري بير طرح اوزرينده بيرلشمه چوخ چتين نظره گلير و بو مسألر ميلي سيمبول حاققيندا ياييلان بيلديريلرده گؤزل جه سينه آچيقلانميشدير.

قونو ايله باغلي يالنيز دئييلن طرحين و ميلي اؤندريميز رحمتليک ابوالفضل ائلچي به يين اونونلا باغلي موناسيبته توخونماق ايسترديم. سون گونلرده بعضيلري بو طرحين رحمتليک ائلچي به ي ايله هئچ بير موناسيبت و ايليشگيلي اولماديغيني دئديلر. مينيم بونلارين هدفلري ايله هئچ بير ايشيم يوخدور. آما بو قونونو بللنديرمک اوچون بعضي حقيقتلرين يازيلماسيني لازيم گؤردوم.

بيلدييينيز کيمي سؤزو گئدن طرح ايلک اولاراق بوتؤو آذربايجان بيرلييي تشکيلاتينين چاپ ائتدييي کيتابدا گلميشدير. بو کيتابين آدي (مختصر آذربايجان تاريخي) دير و ۱۹۹۹ تاريخينده ايشيق اوزو گؤرموشدو. ۱۹۹۹ دا رحمتليک ائلچي به ي ياشاييردي و باب تشکيلاتينين صدري ايدي. بورادا چوخ اؤنملي بير قونو وار. ائلچي به ي ديري اولدوغو حالدا و باب تشکيلاتينا باشچيليق ائتدييي حالدا باب تشکيلاتي طرفيندن ياييلان کيتابدان خبرسيز اولا بيلمزدي. بايراق قونوسو چوخ اؤنملي قونودور. عاغيل و منطيق بونو دئيير کي رحمتليک ائلچي به يين مختصر آذربايجان تاريخي کيتابيندا ياييلان طرحدن خبري اولموش و اونو تأييد ائتميشدير. اونا گؤره کي بايراق کيمي چوخ اؤنملي مسأله باب تشکيلاتينين صدري اولان رحمتليک ائلچي به يين ايراده سي و گؤروشوندن اوزاق کيتابدا درج اولا بيلمزدي. ديللرده دئييلن لره گؤره چوخلو ميلي شخصيتلريميز ائلچي به يين بو طرحي قبول ائتمه سينه شاهيد اولموشلار.

بو مسأله يه باشقا گؤروشدن ده نظر سالاق. ائلچي به يين بو طرحي قبول اتمه دييني دئينلر بؤيله ادعا ائديرلر کي، او، گونئي آذربايجاندا قوزئي آذربايجان بايراغي دالغالاناجاقدير دئييبدير. بلي او رحمتليک چوخ ديرلي بير استراتژيني يعني بوتؤو آذربايجان بيرليييني نظرده توتاراق بؤيله دئميشدير. اؤرنک اولاراق ائلچي بئي ۲۱ آوقوست ۱۹۹۵ تاريخينده آذربايجانين گونئييندن گلن بير قروپ ضيياليلارلا گؤروشدويونده چيخيشينين بير بؤلومونده بؤيله دئميشدير:

“بير گون گله جک کي، قوزئيده يوکسلن بايراق تبريزده دالغالاناجاق . . . “؛ آما مختصر آذربايجان تاريخي کيتابي ۱۹۹۵ دن ۴ ايل سونرا يعني ۱۹۹۹ دا ب.ا.ب طرفيندن ياييلميشدي. آيري بير اؤنملي مسأله دن ده واز گئچمه يک. هيلال و اولدوزو قارا رنگده اولان طرحي قوزئي آذربايجان بايراغي ايله بيرگه دير. يعني بو طرحده واحيد آذربايجان بايراغي نين هئچ بير يئري و نيشاني دييشيلمير و همندير. هيلال و اولدوزون قارا رنگده اولماسي دوغرولوغو ايله گلدييي کيمي کئچيجي و اؤتريدير و يقين کي بو بوتؤو آذربايجان بايراغي اولدوغو اوچون اونونلا مخاليفت ائتمه ميشدير.

سونوج اولاراق بؤيله بيتيرمک ايسترديم. بؤيوک ميلي اؤنديريميز ائلچي به ي ديري ايکن هيلال و اولدوزو قارا رنگده اولان طرح باب تشکيلاتي طرفيندن و رسمي کيتابدا ياييلميشدير. او رحمتليک بو طرح ايله راضيلاشماسايدي، سؤزو گئدن کيتابدا باسيلمازدي. بو مسأله نين قارشيسينا چيخانلار و نامعلوم سببلره گؤره بو آچيقليقدا قونونو انکار ائدنلر ائلچي به ي شخصيتينه توخونمورلار مي؟!